Hormatly Prezidentimiziň ýurdumyzyň syýahatçylyk pudagyny ösdürmek baradaky maksatnamalary durmuşa geçirmek, Berkarar döwletiň täze eýýamynyň Galkynyşy döwrüniň şu gününi we geljegini dünýä ýüzüne aýan etmek, taryhy we medeni ýerleri bilen raýatlarymyzy hem-de daşary ýurtly jahankeşdeleri tanyşdyrmak boýunça alyp barýan syýasatyny doly goldap, «Azady» hususy kärhanasy hem ygtyýarnama esasynda 2019-njy ýylda döredilen gününden bäri syýahatçylyk işlerini amala aşyrýar. Bu kärhanada ýokary derejeli iş tejribeli hünärmenler hem-de rus, iňlis, türk, arap we pars dillerini bilýän dilmaçlarymyz we ýolbeletlerimiz zähmet çekýärler. Ýurdumyzyň raýatlaryny daşary ýurtlarda dynç almaga we syýahat etmek üçin jahankeşdeleriň isleglerini nazara alyp ýörite syýahat bukjalary hödürlenýär. Jahankeşdelerimiz üçin bolsa, dünýäde iň arassa, adam synasy we saglygy üçin zerur bolan ýoda baý Hazar deňzini etekläp oturan «Awaza» milli syýahatçylyk zolagyndaky ýerleşýän kaşaň myhmanhanalarda dynç almak, şeýle hem ýurdumyzyň welaýatlaryndaky gadymy we baý taryhy hem-de medeni ýadygärlikleri bolan - gadymy Merwe, Köneürgenje, Köýtendaga, Derwezedäki «Garagum ýalkymyna», Dehistana, Nusaý galasyna we beýleki gözel ýerlerimize syýahat ugurlaryny gurnaýar. «Azady» hususy kärhanasy, ajaýyp tebigatymyz bilen jahankeşdeleri ýakyndan tanyşdyrmak üçin, häzirki wagtda birnäçe täze syýahatçylyk ugurlary taýýarlap hödürleýär. Biziň gurnaýan gezelençlerimiz we syýahatlarymyz islendik raýatyň durmuşynda ýatdan çykmajak pursatlara öwrüler diýip ynanýarys. Biz bilen ýatdan çykmajak dünýäniň gözel küjeklerine syýahat ediň ! Biziň salgymyz: Aşgabat şäheri, Parahat 2/2, 8A.  +99365 71 47 69 +99364 40 05 25  azadyturkmenistan@gmail.com  www.azady.co.tm