Häzirki döwürde Türkmenistanda syýahatçylyk pudagyny ösdürmeklige aýratyn üns berilýär. Ýurdumyzyň tebigy-syýahatçylyk we taryhy-medeni mümkinçilikleri, baý milli däpleri we olaryň özboluşlylygy syýahatçylyk pudagynyň ösüşiniň möhüm ugurlary bolup durýar. Ýurdumyzda syýahatçylyk kärhanalarynyň ençemesi hereket edýär. Olar Türkmenistanyň gözel tebigaty, taryhy-medeni ýadygärlikleri bilen tanyşmak isleýän her bir syýahatçy üçin gezelençleri, şeýle-de täjirçilik duşuşyklaryny gurnamak, myhmanhanalary we petekleri bronlamak boýunça hyzmatlaryň dürli görnüşlerini amala aşyrmakda öz hyzmatlaryny hödürleýär. «Dag syýahat» hojalyk jemgyýeti hem şeýle syýahatçylyk kärhanalarynyň biridir.

Ol 1998-nji ýylda esaslandyrylýar. Döredilen gününden, häzirki güne çenli bu kärhana raýatlarymyza we daşary ýurtly jahankeşdelere ýokary hilli syýahatçylyk hyzmatlaryny amala aşyryp gelýär. Oňa mysal edip: Hytaý Halk Respublikasyndan, Günorta Koreýadan, Awstriýadan, Ýaponiýadan, Beýik Britaniýadan, Germaniýa Federatiw Respublikasyndan, ABŞ-dan we beýleki birnäçe döwletlerden, ýurdumyza gelýän syýahatçylar üçin gyzykly gezelençler guralýar.

Bu kärhana häzirki wagtda içerki syýahatçylyk ugry boýunça hem yzygiderli işleri alyp barýar. Ýurdumyzyň keramatly ýerlerine zyýarat etmek isleýän raýatlaryň isleglerini kanagatlandyrýar. Tomusky dynç alyş möwsüminiň gyzgalaňly döwründe «Awaza» milli syýahatçylyk zolagynda dynç almak isleýän raýatlar üçin hyzmatlaryň dürli görnüşlerini amala aşyrýar.

Biziň ýurdumyzda «Syýahat etsem — dünýäni görsem» diýýän her bir raýatyň hyýalyndaky arzuwlaryny durmuşa geçirmeklik üçin ähli mümkinçilikler döredilendir. «Dag syýahat» hojalyk jemgyýeti bütindünýä internet tornuň üsti bilen müşderilerini öz hyzmatlary baradaky maglumatlar bilen tanyşdyryp köpugurly hyzmatdaşlygy alyp barýar. Türkmenistana ýa-da daşary ýurtlara syýahat etmek boýunça özüňizi gyzyklandyrýan islendik maglumaty «Dag syýahat» hojalyk jemgyýetiniň «dagtravel.com» web-sahypasyna ýüzlenip tapyp bilersiňiz!