Türkmenistan döwletimiziň paýtagty Aşgabadyň özboluşly hem gadymy taryhy bar. Bu ajaýyp şäher Köpetdagyň etegindäki giň düzlükde, deňiz derejesinden 214-240 metr belentlikde ýerleşýär. Onuň günorta tarapyny Köpetdagyň ajaýyp hem belent dag gerişleri gurşaýar, demirgazyk tarapyny bolsa Garagum çöli tutýar.

XVIII asyrda Ashabat (Aşgabadyň köne ady) obasy Ahal-Gökdepe oazisinde iň bir ilatly ýere öwrülýär. Aşgabat şäheriniň döremegi resmi ýagdaýda 1881-nji ýyl bilen senelenýär.

Hor­mat­ly Pre­zi­den­ti­mi­ziň taý­syz ta­gal­la­sy­nyň ne­ti­je­sin­de, ýur­du­my­zyň çar kün­je­gi, şol san­da ak şä­he­ri­miz Aş­ga­bat giň ge­rim­de ro­waç­lan­ýan aja­ýyp bi­na­gär­lik keş­bi, dünýä jahankeşdelerini haý­ra­na goý­ýan döw­re­bap dur­muş-me­de­ni maksat­ly des­ga­la­ry bi­len ta­pa­wut­lan­ýar. Aş­ga­bat şä­he­rin­dä­ki äh­li amat­lyk­la­ry bo­lan ýa­şa­ýyş jaý­la­ry, ka­şaň­ly­gy bi­len bi­ri-bi­rin­den ta­pa­wut­lan­ýan owa­dan myh­man­ha­na­lar,      gö­wün­le­ri gal­kyn­dyr­ýan tä­sin suw çüw­dü­rim­le­r, gö­zel se­ýil­gäh­ler, gi­je-gün­diz     ýal­kym sa­çyp du­ran, gül-gü­lä­lek­le­re bes­le­nen ak ýol­lar bu gün­ki gün     hal­ky­my­zyň buý­san­jy­na, ýa­kyn-alys­dan gel­ýän syýahatçylaryň gu­wan­jy­na öw­rül­di.

Hor­mat­ly Pre­zi­den­ti­mi­ziň baş­lan­gy­jy esa­syn­da Aş­ga­bat şä­he­ri­miz ýur­du­my­zyň esa­sy sy­ýa­sy, yk­dy­sa­dy we med­eni mer­ke­zi­ne öw­rül­mek bi­len çäk­len­män,     eý­sem, hal­ka­ra işe­wür­li­gi­niň, hyz­mat­daş­ly­gy­nyň daşary ýurtly syýahatçylaryň gelim-gidimli mer­ke­zi­ne öw­rül­di. Mil­li Li­de­ri­miz paý­tag­ty­myz­daky her bir          gur­lu­şyk tas­la­ma­sy­nyň bi­na­gär­lik aý­ra­tyn­lyk­la­ry­nyň mil­li däp­le­ri­miz esa­syn­da gurulmagy ug­run­da uly ta­gal­la­lar ed­ýär.

Ýurdumyzda her ýy­lyň 25-nji ma­ýyn­da Aş­ga­bat şä­he­ri­niň gü­nü­niň baý­ram edil­me­gi, Ber­ka­rar döw­le­ti­mi­ziň bag­ty­ýar­lyk döw­rün­de ýaý­baň­lan­dy­ry­lan hem-de Aş­ga­ba­dyň keş­bin­de öz be­ýa­ny­ny ta­pan oňyn öz­gert­me­le­riň ge­ri­mi­ni äş­gär ed­ýär. Paý­tag­ty­my­zyň ak mer­mer­den bi­na bol­ýan keş­bi – ak bag­ty­my­zyň be­ýa­ny. Çün­ki Aş­ga­bat – aja­ýyp­ly­gyň şä­he­ri.

Hal­ka­ra hyz­mat­daş­ly­gy nuk­daý­na­za­ryn­dan Aş­ga­bat myh­man­sö­ýer­li­giň, yg­ty­bar­ly hyz­mat­daş­ly­gyň, pa­ra­hat­çy­lyk­ly dö­re­di­ji­li­giň, yn­san­per­wer­li­giň me­ka­ny­dyr. Ama­la aşy­ryl­ýan giň ge­rim­li iş­ler  ýur­du­my­zyň sy­ýa­sy,  dur­muş-yk­dy­sa­dy,  ylym-bi­lim, syýahatçylyk, sport hem-de me­de­ni mer­ke­zi hök­mün­de Aş­ga­bat şä­he­ri­niň  äh­mi­ýe­ti­ni has-da ýo­kar­lan­dyr­ýar. Paý­tag­ty­myz­da hal­ka­ra de­re­je­sin­dä­ki mö­hüm  çä­re­le­ri ge­çir­mek üçin äh­li şert­le­re eýe bo­lan hä­zir­ki­ za­man bi­na­la­r şä­he­riň keş­bi­niň şu gün­ki aý­ra­tyn­ly­gy­dyr.

Gün-günden gözel­leşýän paýtag­ty­myz Aşga­bat şähe­ri özüniň mil­li bi­na­gärlik äheňin­däki häzir­ki za­man yma­rat­la­ry bi­len jahankeşdeleriň kal­byna şat­lyk çaýýar. Deňi-taýy bol­ma­dyk bi­na­lar­dyr-yma­rat­la­ryň, köp san­ly mu­zeýlerdir, ser­gi­le­riň we teatr­la­ryň ut­gaşyk­ly saz­laşygy paýtag­ty­my­zyň myh­man­la­ry­nyň ünsüni özüne çekýär. Dünýä standartlaryna laýyk hyzmatlary hödürleýän bäş ýyldyzly myhmanhanalar paýtagtymyza gelýän syýahatçylary we beýleki myhmanlary mähir bilen garşy alýar.

Gö­zel­li­gi we öz­bo­luş­ly­ly­gy bi­len ta­pa­wut­lan­ýan türk­men paý­tag­ty bir­nä­çe ge­zek Gin­ne­siň bü­tin­dün­ýä re­kord­lar ki­ta­by­na gi­ri­zil­di. Olaryň arasynda ýurduň Baş muzeýiniň öňündäki meýdançada oturdylan beýikligi 133 m bolan depesinde milli baýdagymyz pasyrdap duran baýdak sütüni, Aşgabadyň halkara howa menziline sowulýan çatrykdaky ägirt uly suw çüwdürimli toplumy, Oguz hanyň ýyldyzy şekilindäki “Türkmenistan” teleradioýaýlymlar merkeziniň belent binasy,  “Älem” medeni-dynç alyş merkeziniň tegelek şekilli syn ediş meýdançaly binasy,  Türkmenistan dünýäde iň uly elde dokalan haly üçin Ginnesiň rekordlar Kitabynynyň sertifikatyna mynasyp boldy, Aşgabat şäheri ak meremere örtülen jaýlaryň iň köp sanlysynyň bir ýerde jemlenen mekany diýlip ykrar edildi, şeýle-de Olimpiýa stadionynyň münberini bezeýän ahalteke bedewiniň şekili dünýäde atyň iň uly nyşany hökmünde, Sportuň suw görnüşleri merkezi bolsa dünýäde iň uly suwda ýüzülýän üsti ýapyk howuz hökmünde, 2018-nji ýy­lyň 1-nji iýu­nyn­da “Aş­ga­bat” kö­pu­gur­ly sta­dio­nyn­da geçen we­los­port bo­ýun­ça okuw sa­pa­gy­ bolsa «We­lo­si­ped spor­ty bo­ýun­ça iň köp­çü­lik­le­ýin sa­pak» hökmünde dünýäniň rekordlarynyň sanawyna girdi. Biziň paýtagtymyz özüniň beýleki binagärlik ymaratlary üçin halkara baýraklarynyň ýene-de birnäçesiniň eýesidir.